கொட்டை வடிநீர் நிற மேனி !
தட்டை வடிவான
வெள்ளை சட்டை உடுத்தி ,
கட்டழகன் அவன்
கைவிரல்களை கட்டிப்பிடித்து ,
வட்ட வடிவான முகத்தின்
நட்ட நடுவான இடத்தின் ,
கிட்ட குழித்து
எட்ட குவியும் இதழுடன்
ஒட்டி உறவாடி,
எள்ளி நகையாடி ,
வாயில் நாவில் சுவையாடி,
வஞ்சம் கொஞ்சம் மறக்க
கொஞ்சம் கொஞ்சமாய்
நஞ்சை பரப்பும் ,
பஞ்சு நிறத்தில்
மூச்சில் நடமாடி ,
வாயில் பேச்சில் விளையாடி ,
மூக்கின் வழியே
காற்றில் கலக்கும் ,
புண்பட்டார் நெஞ்சை
புகை கொண்டு ஆற்றும் ,
வெண்மை நிற புகையே ..!!
உன்மீது,
இன்முகம் கொண்ட
இளைய தலைமுறைக்கு
இத்தனை பாசம் ஏன் ??
சுருள் அலை வடிவில்
இருந்து கொண்டு
பெரும் வல்லமை படைத்த
அறிய மானுடத்தை
உரு தெரியாமல் ஆக்கி
தெரு தெருவை சுற்ற விடுகிறாயே ???
உன்பெயர்தான் சிகரெட்டா ???
இதுதான் உந்தன் சீக்ரெட்டா ???
வசிகரன்.க
